ლოკოკინების კოსმეტიკური საშუალებების ტენდენცია ჩვენთან კორეიდან შემოვიდა. ამასთან, ცოტამ თუ იცის, რომ თავდაპირველად  ლორწოს ლათინურ ამერიკაში იყენებდნენ ახალგაზრდული კანის შესანარჩუნებლად.

ძნელი დასაჯერებელია, მაგრამ ეს სასწაული კომპონენტი  უბრალო ჩილეელმა ფერმერმა აღმოაჩინა! მან მუშაობის დროს შენიშნა, რომ ხელებზე არცერთი ნახეთქი არ ქონდა. დიდი ხანი არკვევდა მიზეზს, თუ როგორ ხდებოდა ეს სასწაული. მოგვიანებით ჩილელმა ქალებმა გაუმხილეს, რომ ეს იყო ლოკოკინის ლორწოს დამსახურება. ქალები ლოკოკინის ლორწოს წყლით აცლიდნენ, აგროვებდნენ და შემდეგ იყენებდნენ ჭრილობების, ნახეთქების და ლაქების სამკურნაოდ. 

15 წლის შემდეგ კი მამაკაცმა, იმავე ფერმერმა ფერდინანდმა შექმნა პირველი ხელის აღმდგენი საცხი ლოკოკინის მუცინით. მართალია დიდი ხანი დასჭირდა ფორმულის შედგენას, მაგრამ შედეგი საოცარი იყო. 

მაშ ასე, 1995 წლიდან ჩაეშვა გაყიდვაში ლოკოკინის მუცინის გამოყენებით პირველი ხაზი- Elicina-ს ბრენდი.

ლოკოკინის ლორწოს შედგება წყლისა და თავად მუცინისგან - გლიკოპროტეინის, რომელიც  რთული ცილაა. ამ ტიპის ლორწოს ლოკოკინებში სპეციალური ჯირკვლები გამოყოფენ ფიზიკური სტრესის ან მისი გარსის დაზიანების საპასუხოდ. ის უფრო სქელია, შეიცავს ცილებს, პოლისაქარიდებს (მათ შორის ჰიალურონის მჟავას), მინერალურ მარილებს და აქტიურად ასტიმულირებს უჯრედების რეგენერაციას და  აღადგენს ლოკოკინის გარსს.

ლოკოკინის მუცინი შეიცავს ვიტამინებს A, C, E, B₆, B₁₂, გლიკოლის მჟავას, კოლაგენს, ქიტოზანს, ალანტოინს, ელასტინს, პროტეაზებს და სხვა სასარგებლო ელემენტებს. ულტრაიისფერი სხივებისგან დაცვისა და უჯრედების რეგენერაციისგან, ლორწოს შემადგენლობაში შედის გლიკოპროტეინებისა და გლიკოზამინოგლიკანების ფერმენტები. გარდა ამისა, გლიკოპროტეინები ასრულებენ დამცავი ბარიერის როლს მოლეკულურ დონეზე. გლიკოზამინოგლიკანები მონაწილეობენ უჯრედებს შორის წყლის მარილის ცვლაში და რეგენერაციის პროცესებში, ახდენენ კოლაგენის და ელასტინის სინთეზის ნორმალიზებას, აქვთ ანთების საწინააღმდეგო მოქმედება, ამშვიდებენ და ხსნიან გაღიზიანებას.

ლოკოკინის ლორწოს აქვს მაღალი დამატენიანებელი თვისებები, ფარავს კანს მსუბუქი უხილავი ფირფიტით, რომელიც ინარჩუნებს ტენიანობას, მაგრამ ამავე დროს ჟანგბადის გატარების საშუალებას აძლევს კანს.

ლოკოკინის კოსმეტიკური საშუალებები მნიშვნელოვანია კანის სხვადასხვა პრობლემების დროს: ასაკთან დაკავშირებული ცვლილებები, შეშუპება, ასაკის ლაქები, ანთება, გამონაყარი, დეჰიდრატაცია.

ჩვენ გვაქვს ლოკოკინის მუცინის სრული ხაზის ყველა საჭირო პროდუქტი.

თუ გაწუხებთ ზემოთ ჩამოთვლილი კანის პრობლემები, მაშინ უთუოდ ლოკოკინას ხაზზე უნდა შეაჩეროთ არჩევანი. ისიც გაითვალისწინეთ, რომ შესაძლებელია გამოიწვიოს ალერგიული რეაქცია, ამიტომ გირჩევთ გამოყენებამდე დატესტოთ კანის მცირე ნაწილზე.

გისურვებთ სილამაზეს!