Skin1004 სახის პილინგი

ეს არის ჩამოსაბანი ქიმიური ექსფოლიანტი (პილინგი), რომლის ფორმულაც შეიცავს 17% გლიკოლის მჟავას (AHA), სალიცილის მჟავასა (BHA) და გლუკონოლაქტონს (PHA). სუფთა კანზე 60 წამის განმავლობაში დატანისა და შემდგომ ჩამობანის შედეგად, ის აშორებს მკვდარ უჯრედებს, ასუფთავებს ფორებს, აუფერულებს აკნეს შემდგომ ლაქებს (პოსტაკნეს) და აუმჯობესებს კანის ტექსტურას. ფორმულაში შემავალი ნიაცინამიდი, კერამიდი NP, სკვალანი, შიის კარაქი და ნატრიუმის ჰიალურონატი კი უზრუნველყოფს კანის სიმშრალის დაბალანსებას და ხელს უწყობს კანის დამცავი ბარიერის აღდგენას ექსფოლიაციის (პილინგის) დასრულებისთანავე.

AHA (გლიკოლის მჟავა) წყალში ხსნადია და კანის ზედაპირზე მოქმედებს - ის შლის კავშირებს მკვდარ უჯრედებს შორის კანის ტექსტურის, ერთგვაროვნებისა (სიკაშკაშის) და წვრილი ხაზების გასაუმჯობესებლად. BHA (სალიცილის მჟავა) ცხიმში ხსნადია და აღწევს ფორებში - ის შლის სებუმის (კანის ცხიმის) საცობებს, ამცირებს შავ წერტილებსა და გამონაყარს. PHA (გლუკონოლაქტონი) AHA-ს მსგავსად მოქმედებს, თუმცა უფრო დიდი მოლეკულური ზომა აქვს, რის გამოც კანს ბევრად უფრო ნაზად ქერცლავს და ხასიათდება ანტიოქსიდანტური და ტენიანობის შემაკავებელი თვისებებით. ისინი ერთობლივად ებრძვიან კანის ზედაპირულ ტექსტურას, ფორების დახშობისა და არათანაბარ ტონს ერთ პროდუქტში: AHA და PHA კანის ზედაპირისთვის, ხოლო BHA - ფორებისთვის.

პროდუქტის 60-წამიანი დატანისას მსუბუქი ჩხვლეტის ან სითბოს შეგრძნება სრულიად მოსალოდნელი და ნორმალურია 17%-იანი AHA მჟავის შემცველი საშუალებისთვის. ეს მიანიშნებს იმაზე, რომ მჟავა კანის ზედაპირზე აქტიურად მუშაობს. არ არის ნორმალური: მწვავე წვა, ჩხვლეტა, რომელიც სტაბილურად ყოფნის ნაცვლად სულ უფრო ძლიერდება, ან თვალსაჩინო სიწითლე და შეშუპება, რომელიც პროდუქტის დატანისთანავე ვითარდება. თუ რომელიმე მათგანი გამოვლინდა, სასწრაფოდ ჩამოიბანე სახე გრილი წყლით. პირველ გამოყენებამდე აუცილებელია პაჩ-ტესტის (ალერგიული სინჯის) გაკეთება წინამხრის შიდა ნაწილზე - დაიტანე პროდუქტი 60 წამით, ჩამოიბანე და დაელოდე 24 საათი. თუ გაქვს მწვავე გამონაყარი (ღია აკნე), ეგზემა ან კანის ნებისმიერი სახის დაზიანება, არ გამოიყენო ეს პროდუქტი.

არა, ყოველ დღე არ შეიძლება მისი გამოყენება, ეს არ არის ყოველდღიური პროდუქტი! საწყის ეტაპზე ბრენდი მის გამოყენებას კვირაში მხოლოდ ერთხელ გვირჩევს. იმ კანისთვის, რომელიც მგრძნობიარე არ არის, კვირაში ორჯერ გამოყენება მაქსიმუმია. მათთვის, ვინც ახალია ქიმიურ ექსფოლიაციაში (პილინგში) ან ვისი კანიც ადვილად რეაგირებს პროდუქტებზე, უმჯობესია დაიწყონ 7–10 დღეში ერთხელ და გამოყენების სიხშირე მხოლოდ მას შემდეგ გაზარდონ, რაც კანი ამ პროდუქტს აშკარად კარგად შეეგუება. 17%-იანი AHA მჟავის შემცველი პროდუქტით კანის ზედმეტი აქერცვლა (ოვერ-ექსფოლიაცია) აზიანებს კანის დამცავ ბარიერს, რაც იწვევს სიწითლეს, მგრძნობელობის მომატებას, გამონაყარის გაძლიერებას და დაჭიმულობის ან წვის შეგრძნებას ისეთი საშუალებებისგანაც კი, რომლებიც მანამდე არანაირ რეაქციას არ იწვევდა — ეს კი ზუსტად იმის საპირისპიროა, რაც თქვენ გსურთ.

ნოტიო კანზე მაღალი კონცენტრაციის მქონე მჟავის დატანა საგრძნობლად ზრდის მის შეღწევადობასა და გაღიზიანების რისკს. კანზე არსებული წყალი ფორმულას არათანაბრად აზავებს - ზოგიერთი ზონა სრული კონცენტრაციის მჟავას იღებს, ზოგი კი გაზავებულ ვერსიას, რაც არაპროგნოზირებად შედეგებს იწვევს და შეუძლია ლოკალური გაღიზიანება გამოიწვიოს.

ყოველთვის ჯერ გაიწმინდე სახე, დაელოდე კანის სრულად გაშრობას და მხოლოდ ამის შემდეგ დაიტანე პროდუქტი. 60-წამიანი ტაიმერის ათვლა იწყება მას შემდეგ, რაც პროდუქტს მშრალ კანზე მოათავსებ. სწორედ ეს არის მიზეზი იმისა, თუ რატომ არ უნდა გამოიყენო ტონერი ან მისტი ამ პილინგის გამოყენების წინ.

თბილი წყლით საფუძვლიანად ჩამობანის შემდეგ, კანს სჭირდება დატენიანება და დამცავი ბარიერის მხარდაჭერა; და არა დამატებითი აქტიური ნივთიერებები. პირველ ეტაპზე დაიტანე ნაზი, დამატენიანებელი ტონერი ან ესენცია, ხოლო შემდგომ - დამამშვიდებელი კრემი. იმავე დღეს მოერიდე C ვიტამინის, რეტინოლის, სხვა AHA ან BHA პროდუქტებისა და ნებისმიერი ალკოჰოლის (სპირტის) ბაზაზე დამზადებული საშუალების გამოყენებას. კანის მჟავე გარსი (მჟავოვანი მანტია) დროებით დარღვეულია და მას აღსადგენად დრო სჭირდება. მომდევნო დილას SPF-ის (მზისგან დამცავის) გამოყენება სავალდებულოა - გლიკოლის მჟავა ზრდის კანის მგრძნობელობას ულტრაიისფერი (UV) სხივების მიმართ, ხოლო პილინგის მომდევნო დღეს დაუცველი კანი საგრძნობლად უფრო მოწყვლადია მზისგან გამოწვეული დაზიანებებისა და პოსტანთებითი ჰიპერპიგმენტაციის მიმართ.

ორიგინალი „Bloody Peel“ შეიცავს 17% გლიკოლის მჟავას და განკუთვნილია ნორმალური და ცხიმიანი კანისთვის, რომელსაც უკვე აქვს ქიმიური ექსფოლიანტების (პილინგების) გამოყენების გამოცდილება. „Bloody Peel Light“ კი შეიცავს 8% გლიკოლის მჟავას და ის საუკეთესო საწყისი წერტილია ყველასთვის, ვინც ახალია AHA პროდუქტების გამოყენებაში, მათთვის, ვისაც კომბინირებული ან მშრალი კანი აქვს, ან მათთვის, ვისი კანიც ადვილად ხდება მგრძნობიარე. თუ აქამდე ქიმიური პილინგი არასდროს გამოგიყენებია, დაიწყე მსუბუქი ვერსიით ოთხიდან ექვს კვირამდე პერიოდის განმავლობაში, სანამ ორიგინალი ვერსიის შეძენას გადაწყვეტ. მოქმედების აქტიური მექანიზმები ორივე ვერსიას ერთნაირი აქვს. განსხვავება მხოლოდ ინტენსივობასა და იმ კანის ტიპებშია, რომლებისთვისაც ესა თუ ის ვერსიაა შესაფერისი.

წითელი ფერი ფორმულაში შემავალი მცენარეული ექსტრაქტებისგან მოდის. კერძოდ, წითელი ჭარხლის ფესვის, წიწაკის (პაპრიკას), პომიდვრის, ჟოლოს, ბროწეულისა და ალუბლის ექსტრაქტებისგან. ეს კომპონენტები ფორმულაში ესთეტიკისთვის დამატებულ საღებავებს კი არ წარმოადგენენ, არამედ ფუნქციური ინგრედიენტებია, რომლებიც მასში ანტიოქსიდანტური და მსუბუქი, ბუნებრივი საექსფოლიაციო (ამაქერცლავი) თვისებების გამოა შეყვანილი, რაც იდეალურად ავსებს გლიკოლის მჟავის მოქმედებას. ეს წითელი ფერი, ამავდროულად, ხაზს უსვამს „Zombie Beauty“-ის ქვებრენდის ვიზუალურ იდენტობასაც. ფერი კანზე ლაქებს არ ტოვებს და პროდუქტთან ერთად სრულად ჩამოიბანება.